EDUKASHON

NATURALESA
I KULTURA

EKONOMIA
SOSTENIBEL

INFRASTRUKTURA

SOSIAL
EKONÓMIKO

BON
GOBERNASHON

TOKANTE E PLAN MAESTRO 2030

Nos tur ta soña di un futuro floresiente. Un futuro floresiente pa nos yunan, nos famianan, nos amigunan i nos barionan. Un futuro floresiente kaminda tur hende tin un trabou ku ta duna nan satisfakshon i kaminda no tin pobresa, un futuro floresiente kaminda ekonomia ta floresé i ta den ekilibrio ku naturalesa i kultura di Boneiru.

Den e periodo binidero gobièrnu di Boneiru, den kolaborashon ku stakeholdernan, lo ta trahando riba kreashon di e plan maestro 2030 aki pa Boneiru.

E EVENTO KICKOFF PLAN MAESTRO

Ta pa nos un gran plaser di por invitá Bo pa e Konferensia Kickoff Plan Maestro 2030 ku ta tuma lugá dia 6, 7 i di novèmber for di 8 ‘or di mainta te 5 ‘or djatardi na Courtyard by Marriott Hotel Bonaire.

E Konferensia Kickoff Plan Maestro 2030 aki ta e promé paso den un programa mas ekstenso ku e intenshon di krea un plan maestro ámplio pa aña 2030 ku ta kumpli ku ideanan i nesesidatnan di habitantenan di Boneiru.

Kiko ta nifiká un futuro floresiente pa Boneiru i kon nos ta krea esaki huntu? Esakinan ta e dos preguntanan mas importante pa e konferensia i nan lo forma parti integral di e programa.

PROGRAMA

Dia 6 di novèmber nos ta kuminsá ku un dia inspirativo i interaktivo ku gran oradónan lokal i internashonal ku ta hiba nos riba un biahe den e posibel futuro di Boneiru.

Dia 7 i 8 di novèmber nos lo tin vários tayer rònt di diferente tema den nos komunidat, entre otro sosial ekonómiko, infrastruktura, ekonomia sostenibel, edukashon, turismo sostenibel, kultura, bon gobernashon i teknologia sostenibel.

E dianan aki lo ta bou di guia di Glenn Thodé i Siagnee Evertsz.

PROGRAMA

SITIO

E evento Kickoff Masterplan ta tuma lugá na Courtyard by Marriott Hotel Bonaire

REGISTRASHON

Nos ta invitá Bo pa registrá AKINAN pa e konferensia aki promé ku 25 di òktober òf mandando un imeil na masterplan2030@bonairegov.com.. Por fabor tuma nota ku aunke esaki ta un konferensia grátis, sea asina bon di registrá tempran pa sigurá bo asiento.

Un siman promé ku e konferensia Bo ta risibí e programa final i otro informashonnan importante. Si entretantu Bo tin kualké pregunta, por fabor manda un imeil òf tuma kontakto ku nos na 717 5330 ekstenshon 1235.

Gustosamente nos lo ke topa ku Bo dia 6, 7 i 8 di novèmber. Bo aporte ta altamente apresiá.

REGISTRASHON TA SERA

KONTAKTO

Pa mas informashon tokante e evento di Kickoff òf e Plan Maestro Boneiru 2030, por fabor tuma kontakto via masterplan2030@bonairegov.com. òf yama na 717 5330 ekstenshon 1235.

Scroll To Top